الرئيسية » مقالات » شالوش والمالكي وصابر وصبرية

شالوش والمالكي وصابر وصبرية

الى الاخ مصطفى الصافي :

شدعوة احترك كلبك على جم مليون اخذها الاخوة المجاهدون ، يمعود هاي مصرف جيب لجنابهم وتعرف انت مصاريفهم هواي ، وبعدين انت تدعي انك كنت مجاهدا فلو كنت تملك المستوى الفكري والمعرفي للاخوة المجاهدين شالوشي ومالكي لادركت الفلسفة التي ينطلقون منها في اخذهم اموالكم واموالنا ، ولكنك يبدو في المراحل الاولى للجهاد ، فليكن بعلمك ان الشجرة البرية اصلب عودا واقوى شكيمة ولهذا فان الرفاهية مفسدة لكم ولنا ، ولذا يجب ان نشكر المالكي والركابي وشالوش على تضحيتهم الجسيمة حيث سيتحملون الرفاهية لانفسهم وعوائلهم وضريبتها المكلفة جدا حيث سيكونون ضعفاء بينما نحن وانتم سنكون اقوياء بفضل مواجهة تحديات المعاناة والفقر ، ها هسة شلونك فهمت لو بعدك انته ابو الحق ؟!!، وبعدين جنابك ماتعرف حينما اقبل الاخوة المجاهدون علينا بعد سقوط الطاغية ماذا فعلنا ، وداعتك استقبلناهم بنشيد طلع البدر علينا ورحنا نركص هجع .. والاخوة ماقصروا كل خطاب وكل شعار خله دموعنا نهران يابويـــــــــه، مرة احنة خدام للشعب وخصوصا صابر وصبرية ، ومرة سيرة الامام علي (ع) منهجنا ، ومرة القانون فوق الجميع ، وداعتك سيدنا كمنا ببيوتنا نهز اجتاف ونبزخ من الفرح واحنة نسمع شعاراتهم وخطاباتهم الممزوجة بدموعهم ، وانوب المشكلة كل عمامة تطلع تهتف علينا بهذه الشعارات ، المهم ركضنا نغسل مقراتهم اللي استولوا عليها واحنا فرحانين ونكول هؤلاء هم من يمثلون دماء الشهداء ومعاناة المظلومين وعوافي عليهم املاكنا ، وبدت الخيسة تطلع شوي شوي … شوي شوي غنيلي واخذ عيني ، وداعتك جان واحدهم بالضيم … يمعود يا واحدهم .. الحزب كله بالضيم ولا قمري عد واحدهم ، حتى الجريدة مالتهم واللي اسمها البيان كان يمولها السيد الجعفري وعندما طردوه بمؤامرة في الانتخابات توقفت الجريدة لأنه كطع التمويل والجماعة ماعدهم قمري يمولون الجريدة ، واليوم ماشاء الله بس ابو سريوة خطية عنده بدله وحدة والبطاقة التموينية مالته ضاعت ونشر ابنه اعلان بجريدة البيان يطلب من صابر وصبرية اذا عثروا على البطاقة تسليمها ولهم الاجر والثواب ، اما باقي الجماعة من الاخوة المجاهدين مساكين مثل ابو فليحة السوداني واخوته والعبادي والعلاقي والسنيدي والساعدي والاديبي وجميعهم مساكين حتى مهفة ماعدهم بالضيم وية الحر ، وجنابك انته وربعك تريدون تطلعون مظاهرة صحيح ان لم تستح اصنع ماشئت ،

وتدري سيدنا هسة شني الفيكة الجديدة اللي طلعت علينا ، دول اقليمية دفعت 20 مليار حتى توجه الانتخابات ضد الاخوة المجاهدين ، وانته تعرف سيدنا جماعتنا المجاهدين يحبون الستر ويعفون عمن ظلمهم وهاي اخلاقهم العالية جبرتهم ما يكولون يادول هاي وليش مايحتجون عند العم باراك عليهم وليش مايحجون حجاية خشنة على هاي الدول ، ولكن شهادة حق نزلوا سلك على الفئات والجماعات اللي تنتقدهم في داخل العراق وخارجه من العراقيين واتهمتهم بانهم مدعومين من هاي الدول المجاورة … وحتى تفهم زين فان اخلاق حسن الجوار متأصلة في جماعتنا وما يحبون يكسرون خاطر الدول المجاورة بس الهم الحق يربونا لاننا ابنائهم ومن حقهم يتهمون صابر وصبرية بالفساد السياسي ، واظنك سيدنا حصلت مليار اندفعلك انته وجماعتك في امريكا من هاي العشرين – لانك سيد والك الخمس- حتى تطلعون مظاهرة على ابو سريوة ، سيدنا احلفك بجدك اذا محصل مليار وديلي شوية ترى صبرية مخلية عيشتي بالضيم ومسوية دنياي سودة وظليمة .

والى بوري اخر للجميع …

مع تحياتي للفنان المبدع : سلمان عبد