د یه‌ک سالیا کۆجبار بۆنا خوه‌ دا رۆژنامه‌ڤان ناجی ئاکره‌یی هاته‌ ب بیرئانین

21:00:18, 03-06-2009

ئیرۆ دۆشه‌مبی 01-06-2009 ل ده‌مژمێر 15:00 ل گور ده‌ما هۆله‌ندا ل باژێرێ ئه‌لمیره‌ یا هۆله‌ندا رۆژنامه‌ڤان و نڤیسکارێ کورد و کادرێ پارتیا ده‌موکراتا کوردستانێ، ناجی ئاکره‌ی د یه‌ک سالیا کۆجبار بۆنا خوه‌ یا داویێ دا ژ ئالیێ به‌رپرس و کارگێر و ئه‌ندامێن ناوچا هۆله‌ندا و چه‌ندین دۆست و هه‌ڤاڵ و هه‌ڤچه‌په‌رێن خوه‌ و مالاباتا خوه‌دێ ژێرازی، ب ئاوایه‌کی گه‌له‌ک ب رۆمه‌ت هاته‌ ب بیرئانین.

د په‌یڤه‌کێ دا رۆژنامه‌ڤان نیهاد قازی ل سه‌ر ناڤێ مالباتا خوه‌دێ ژێرازی خێرهاتن ل ته‌ڤ به‌رهه‌ڤبۆیان کر،و ئاماژه‌ ب وێ یه‌کێ کر،کو وێ د ده‌مه‌که‌ نێزیک دا،پرتوکا خوه‌دێ ژێرازی ب دۆ جلدان ده‌ر ب که‌ڤه‌ و نێزیکی 1000 لاپه‌رانه‌،و گوت ئه‌ڤ پرتوکه‌ ب پالپشتیا سکرتێرێ مه‌کته‌با سیاسی یا پارتیا ده‌موکراتا کوردستانێ رێزدار فازل میرانی ڤه‌ هاتیه‌ ئاماده‌کرن،و گوت وه‌زاره‌تا رۆشه‌نبیری یا حکومه‌تا کوردستانێ بریار گرتیه‌ دێ د مه‌هێن بێدا،فیستیڤاله‌ک 3 رۆژی بۆ رۆژنامه‌ڤان ناجی ئاکره‌ی هێته‌  لدارخستن،و ناڤێ وی ل دبستانه‌ک کوردی بکه‌ن.

هێژای گوتنێ یه‌ پشتی خوارنا کورده‌واری یا کو ژ ئالیێ مالباتا وی ڤه‌ هاتی ئاماده‌کرن رێوره‌سم ب سه‌رکه‌فتی ب داوی هات.

ئاماده‌کرن:فاخر به‌رواری