DE WERE

De wer yarê …
Da te bibînim
Sirûda tiktika dilê talankirî
Li ser dilê dagîrker
Bixwînim
Gulên çilmisî
Ji seqema dûrketinê
Di nav tîna ava çavan de
Biçînim
De wer yarê …


De wer yarê…
Da xemla zeviyên Helebçe,
Ji gerdenê te hilînim
Û bi ser termên
Nemirên
Enfal û yekê Sibatê de
Vegrim û vereşînim
Û bi lîlînên te
Ji serkeftinên azadiyê re
Di giyanê nemirên 12 Avdarê de
Govenda rakim
Û birûskan bişînim
De wer yarê …


De wer yarê…
Da ji kilê çavên te
Tevna omîdan birêsim
Û bihûnim
Û bi wan biskên heyînê
Hêstira çavên
Kak û Mam
Bi ser zarok û jinebiyan de
Di bîranaîna 1ê Sibatê de
Damalim
Û hilînim
De wer yarê …


De wer yarê…
Da bi wan memikên
Ku di sînga talankirî de belbûne
Mizgîna paşerojê
Li ber serê koçberên Avdarê
Bineqşînim
Û bi bihna wan dêmên heyînê
Şar û gundên mezobotamya
Ji hilma xwînê bi dûrxim
Û vekşînim
De wer yarê …