الرئيسية » مقالات » الكرد الفيلية.. جذور في وطن

الكرد الفيلية.. جذور في وطن


اريــدن بـس اذكـرنـك
انــا ابـن الـوطـن والـدار
انـا دمـعــه بـﮕــلـب دجـلــه
وملـح متـوسـد تـرابـك
تـالـيـهـه ادﮒ بـابـك
الـغـريب يـﮕــلــي منـهـو انـتـه … ؟
وذكـرنك … وﮔـلـك شــوف
انـا مـو خـلـﮓ جـنـسيــه
شـهـادة عـار
مـن زبـالـة التـاريـخ
تـﮕــل للـﮕـــاع اصـلـهه امـنـيـن
بـصـلافــه تــريــد
مــن الـوطــن جـنـســيــه
ولـك يـا وطــن
ﮔــول احـــاه
وﮔــولـن آخ
غــريـب الـي بـثـنـيـتـنــه
بـوطـنــه تـعـيــش واويــه
تـشــخ بـﮕــاعـنـــه ذلـــه
مــن اهـلـنـه تــريــد جـنـسـيــه
ولـك يـا وطـــن
انــا دم ولحــم منـك
عـلـى شـفـاف الـنـهــر مــزروع
ومـثـل صـبـر الـنـخــل صـبـري
لـو جـفـت عطـش دنـيـاك
اصـيـرن لــك سـواﮔـــي دمــوع
وخـضــر بـيـك … وتـحـصـدنــي
فــدوه … بــس تظــل انـتـــه
ومـوتـن بـيـك
تـرابـك ﭽـفـن يـلـبـسنـــي
وشـهــﮓ ويــه نشـيـش المـــاي
وعـروﮒ الـزرع تـتـوســد ضـلوعـــي
وحـروفـك مـراود عـيــد
بـفـرحــه تـكـحـل ﭽـفـونـــي
وشـوغــن بـيـك
تـتـوســد ﭽـتـف جـرحـــي
ولــولـيـلـك
وسهــر آخ وي جــرحــك
كـــل هـــذا
وصـدﮒ روحــي ﭽــذابـــه
المــا تـﮕــدر علـى فــرﮔــاك
وتـﮕــلــي انـســاك
ومــا اﮔـــدر
رضــع جـرحــي حــزن جـرحـك
وكـبـر ويــاه …
روحــي بـريــة الـصـفـصـاف
انــا عـمـري طـفـل خـوه
عـلـى عـيـون الـجـبـل خـضـــر
دمــي للسـهـــل حـنـــه
وعـلـى شـفـافـه عشـﮓ اخـضــر
انــا بـفـي الـنـخـل مــزروع
هـيـل وشتلــة الـعـنـبــر
بحـضــن الـهــور … ثـوار
وعـلـى اطـراف الـﮕــصـب نسـهــر
لــو بـيـك نـطـفـت شـمـعــه
اشـعــل روحـــي بـدنـيـاك
وخـضــر بالسـمــه نجـمــــه
وﮔـولــن آخ مــن جـرحـك
وعـطــش شـوﮒ لـعـيـونـك
عـشـﮓ مـجـنـون لـحـروفـك
احـبـك مــوت … واريـدك مـوت
وضـوﮔـنــك وطــن وشـهـﮓ
اﮔــول فـيــش
يـــا هـــل الــوطــن
تـﭽــويـنـــي وﮔــول اشــاه
تـجـرحـنـــي وعــض جــرحـــي
وضـمــد بـالـصـبـــر جــرك