الرئيسية » مقالات كردية » بانگه‌وازێك له‌ ڕه‌وه‌ندی کوردی باکوری ڕۆژهه‌ڵاتی به‌ریتانیا

بانگه‌وازێك له‌ ڕه‌وه‌ندی کوردی باکوری ڕۆژهه‌ڵاتی به‌ریتانیا

ئێمه‌ به‌ نوێنه‌رایه‌تی سه‌رجه‌م کورده‌کانی باکوری ڕۆژئاوای به‌ریتانیا به‌ توندی دژی هه‌ر جۆره‌ ده‌ستێوه‌ردان و په‌لامارێکی ده‌وڵه‌ته‌ دراوسێکانی کوردستانی عێراقین، جا ئه‌و ده‌ستێوه‌ردانه و په‌لاماردانه‌ له‌ ژێر هه‌ر په‌رده‌ و بیانویه‌کدا بێت.
به‌داخه‌وه‌ ماوه‌یه‌که‌ ده‌وڵه‌تی تورکیا به‌ ئاشکرا له‌ هه‌وڵی له‌باربردنی ده‌سکه‌وته‌ نیشتیمانی و دیموکراتیه‌کانی خه‌ڵکی کوردستانی عێراقه‌. بێگومان کارێکی له‌م چه‌شنه‌، کاریگه‌ری خراپی ده‌بێت بۆ سه‌ر ئاینده‌ی پێکه‌وه‌ ژیانی گه‌لانی ڕۆژهه‌ڵاتی ناوه‌ڕاست هه‌روه‌کو چۆن راسته‌وخۆ دژایه‌تی کردنی پرنسیپه‌کانی گه‌شه‌کردنی دیموکراسیه‌ له‌ کوردستان و ناوچه‌که‌دا که‌ له‌ ئیمڕۆدا ‌ئه‌مریکا و هاوپه‌یمانه‌کانی له‌ پێناوی‌‌دا ده‌جه‌نگن (که‌کورد یه‌کێکیانه‌). پاراستنی ئه‌زموونی دیموکراسی کوردستانی عێراق ئه‌رکێکی ئه‌خلاقی هه‌مووانه‌ چونکه‌ له‌ ڕاستیدا پاراستنی ئه‌و ئه‌زموونه‌ ڕاسته‌وخۆ په‌یوه‌ندی هه‌یه‌ به‌ گه‌شه‌کردنی دیموکراسی له‌ ناوچه‌که‌ و جێبه‌جێ کردنی نه‌خشه‌ی ڕۆژهه‌ڵاتی ناوه‌ڕاستی گه‌وره‌.

له‌گه‌ڵمان بن بۆ وه‌ستاندنی مه‌ترسیه‌کانی وێراکردنی ئه‌زموونی دیموکراسی کوردستان له‌ لایه‌ن ده‌وڵه‌تی تورکیاوه‌.
به‌ڵێ بۆ ئاشتی و به‌یه‌که‌وه‌ ژیانی برایانه‌ی گه‌لان له‌ ڕۆژهه‌ڵاتی ناوه‌ڕاستدا
نا بۆ شه‌ڕ و ماڵویرانی
نا بۆ داگیرکردنی کوردستان

خوشک و برایانی خۆشه‌ویست، بۆیه ئێمه‌ وه‌کوو نوێنه‌‌‌رایه‌تی‌ ڕه‌وه‌ندی کوردی له‌ باکوری ڕۆژهه‌ڵاتی ب‌ریتانیا بانگێشتان ده‌که‌ین بۆ به‌شداری کردن بۆ خۆپیشاندانی ڕه‌وه‌وه‌نده‌که‌تان (ڕه‌وه‌ندی کوردی له‌ باکوری ڕۆژهه‌ڵاتی بریتانیا) که‌ نوێنه‌رایه‌تی سه‌رجه‌م پارت و گروپ و کۆمه‌ڵگا و کۆمه‌ڵه‌ کوردی و کلتوری و هو‌نه‌ره‌یه‌کانی کورد له‌باکوری ڕۆژهه‌ڵاتی بریتانیا‌ له‌خۆده‌گرێت ، بۆ ئاگاداریتان خۆپیشاندانه‌که‌ ‌له‌‌م ڕۆژ و کات و ناونیشانه‌ی خواره‌وه به‌ئه‌نجام ده‌گه‌یه‌نرێت‌:

ڕۆژی شه‌ممه‌‌ ڕێکه‌وتی 27/10/2007
له‌ کاتژمێری (1 تا 4 )ی پاش نیوه‌رۆ
له‌ باخی پیکادلی (Piccadilly Garden) له‌ ده‌وری داری هه‌ڵه‌بجه‌ له‌م ناونیشانه‌ی خواره‌وه‌:
داری هه‌ڵه‌بجه‌
Piccadilly Garden
Manchester City Centre
Manchester
هاتنتان مایه‌ی وه‌فاداریه‌ بۆ کورد و کوردستان،
ڕه‌وه‌ندی کوردی له‌ باکوری ڕۆژهه‌ڵاتی بریتانیا