الرئيسية » الآداب » اغنية مهداة الى المُلحّن …

اغنية مهداة الى المُلحّن …

متظل هيچي تصير سوالف
چم غيمه اتمر بس ميخالف
شعبك أكبر من كل محنه
وبوجه النار انشِّب ْ احنه
نصمد والإرهاب الخايف

خل ْ يصفر لون الجوريّه
ويبوگ الغيم الگمريّه
نجمات احنه بكل صبحيّه
وضيْ الفجر ويانه موالف

مادام الگمر ويه النجمه
وبغداد وياهم مبتسمه
الوطن ابگلبي ايخط اسمه
والشعب بزودك متحالف

ياشعب احْنه شما عذبونه
لو من شمة هوه حرمونه
موطنه احنه انظل انصونه
ومن لمتنه العاذل خايف

راح انعمرها ونبنيهه
ودبچه وهيوه نرگص بيهه
ولنجم سهيل انعليهه
وخل ايشوف اللي ماشايف

*******