الرئيسية » مقالات » آني عراقي

آني عراقي

آني عراقي

آني عراقي و ابقى عراقي اشما ضاعت من عندي اوراقي
جنسيتي و بسبورتي وصوري والضحكه النسيته اشداقي
قارات و دول اتباعدني عنهه وما ملتها اشواقي
آني عراقي
نور و هاوار وكرار هم جنسيتي و أملي الباقي
بسبورتي يونس وباسم ولهجتهم صوري وآفاقي
وعلمي الي بالدم اتخضب دم اخواني ودم رفاقي
رفعوا عا لي مهدي وجاسم وسكتوا قتالي وسراقي
آني عراقي
شديتوا دهوك وجباله بالبصرة وشط عربه الراقي
توحدت كل اطياف ابلادي وظهرت آدابي و اخلاقي
جورفان فييرا دمعت عينه لا هو من ديني واعراقي
ومنكسرت عينك يرهابي وتعيش بحي وزقاقي
تاكل تمري تنام بفي وتشرب من دجلتنه الساقي
بين سنك ذيبا غادر وتضحك وي اهلي وتشاقي
آني عراقي اني عراقي
وطني هذا لا ما بيعه محفوظ ابقلبي واحداقي


ساجدة الفيلي
31/7/2007