الرئيسية » شؤون كوردستانية » حواري الفيسبوكي مع الست رغد صدام حسين وبالصدفة والله

حواري الفيسبوكي مع الست رغد صدام حسين وبالصدفة والله

والله وعن طريق الصدفة وأنا عم أقلب الفيسبوك شفت أحد أصدقائي كاتب تعليق للرد على ….. مين يا حزركون …. الست رغد صدام حسين وهيي عم تقول
بالحرف : (رغد صدام حسين‏امانه اللي حزن يوم اعدام الشهيد صدام حسينيقول الله يرحمه ويغفرله )
قام أنا عملتلا كوبي وباست ( نسخ ولصق يعني ) لكلماتا متل مانكون شايفين
والله شاهد وكتبت التالي :

يغفرلوا ؟؟؟؟؟؟؟؟؟؟؟؟؟؟!!!!!!!!!!!!!!!!!! على كل حال هادا شغل الله بس المنطق بيقول : إذا الله تعالى غفر لهالمجرم لازم الله يسكر جهنم ويطفي
نارها ويعفي عن الشيطان , والله على كل شيء قدير .بتعرفي ليش ست رغد ,راح أقلك : أنا سمعت وعلى ذمة جماعتك العراقيين أنوالشيطان سمع أبوك وعمك الكيماوي عم يتشاوروا للتحضير لقصف حلبجة بالكيماوي , فالشيطان ضميرو ما طاوعو فخرج على أبوك وعمك الكيماوي ( يللي
انخلعت رقبتو لما عدموا مو تذكرتيه) بهيئة زوجك حسين كامل وقلن اتقواالله يا أشباه الرجال راح يموت الأطفال والرضع والنساء وحتى الحيوانات ,
فانتفض أبوك وعمك الكيماوي وسحبوا مسدساتون فاختفى الشيطان من خوفو . ومن يومتها بيّت أبوك وعمك الإنتقام من زوجك حسين كامل بتعرفيه كمان …
عشرة عمرك …. لحد ما عملوا المسرحية …..
وقتلولك حسونتك يعني حسين كامل تبعك …. ورملوكي ويتموا ولادك .
بقى على ذمتك ولادك سامحوا جدهم المجرم لحتى نسامحوا نحنا الكورد وللا الشيعة وللا السنة الشرفاء . حكمي ضميرك قبل ما تجاوبي ست رغد
بتمنى ما كون تقلت عليك ست رغد بس والله هادا ألطف ما طلع معي بعد عودتي من زيارة مقابر شهداء الأنفال الثمانية آلاف في بارزان , وشهداء حلبجة الخمس آلاف , على فكرة كتير حبيت أهل حلبجة لأنهم كتبوا على مدخل مزار الشهداء ” يمنع دخول البعثيين ” وأخدت صورة للذكرى عند اللافتة إياها .
الدكتور صلاح الدين حدو
عفرين في كوردستان الغربية يعني روج آفا بالكوردي .مقيم في هولير حالياً
26 / 4 / 2013 م